ദേവീപ്രണാമദേവ്യഷ്ടകം

(ശ്രീശിവേതി പരിപാലയേതി പരിപാലയേതി ജപമാലയാ)

1              പാദഭക്തജനപാലനാധികപരായണാ ഭവഭയാപഹാ

                പൂതമാനസ പുരാണപുരുഷപുരന്ദരാദി പുരുപൂജിതാ

                സാധുസാധിതസരസ്വതീ സകലസംപ്രദായസമുദാഹൃദാ

                ശാതശാരദ ശശാംകശേഖരശിവാ ശിവാശിവമുദീയതാം

2              നീലനീരദനിഭാ നിശാകരനികാശനിര്‍മ്മലനിജാനനാ

                ലോലലോചന ലലാമശോഭിത ലലാടലാലിത ലലാപകാ

                ശാലിതാ ശകുലശാരദാ ചരണ ചാരീശാശ്വതശൂഭാവഹാ

                കാലകാലകമനീയകാമുകകലാ കലാപകലിതാപതാം

3              കുംഭികുംഭകുചകുംഭകുങ്കുമ വിശുംഭിശംഭു ശുഭസംഭവാ

                ജൃഭിജംഭരിപു ജൃംഭളസ്തനിനിഷേവ്യമാണചരണാംബുജാ

                ഡിംഭകുംഭിമുഖബാഹുലേയലസദങ്കകാ വിധുരപങ്കകാ

                ഡാംഭികാസുരനികുംഭസുംഭമഥിനീ തനോതു ശിവമംബികാ

4              ദാരിതാതിഘനദാരികാദമിത ദാരുണാഘനിരയശ്ചടാ

                മാരമാരണമരാമരാളമണിമന്ധരാഗപരമാനിനി

                ശൂരശൂരദനുസൂനുസാരമരതാരകാസുര രിപുപ്രസൂഃ

                രാജരാജരമണീരപാരപിതരാജിതാമല പദാവതാം

5              ഹേലയാസ്വദിതഹാലയാകുലിതകാലയാ മലിന ശ്രീലയാ

                വ്രീലയാപലിതഫാലയാ വിമലമാലയാ സമരവേളയാ

                സ്ഥൂലയാ വപുഷി ബാലയാ കുശലമൂലയാ ജലദകാലയാ

                പാലയേതി പരിപാലയേതി പരിപാലയേതി ജപമാലയാ

6              രാമയാ വിമതവാമയാ ശമിതകാമയാ സുമിതസീമയാ

                ഭൂമയാധികപരോമയാ ഘനകദംബയാ വിധുരിതാമയാ

                ഘോരയാ സമരവീരയാ കലിതഹീരയാ സമരപാരയാ

                പാലയേതി പരിപാലയേതി പരിപാലയേതി ജപമാലയാ

7              ഹാരയാ ജലദനീരയാ ശമിതമാരയാതപ വിദാരയാ

                ഭൂമയാധികവികാരയാ ചകിതചോരയാ സകലസാരയാ

                വീരയാച ശിവദാരയാ മുലിതഹീരയാ നമിതശൂരയാ

                പാലയേതി പരിപാലയേതി പരിപാലയേതി ജപമാലയാ

8              സാശയാ വിധുതപാശയാ വിധൃതപാശയാ സരജനീശയാ

                ശോശയാനനപതപാശയാ കുചവികോശയാ വിനുതമേശയാ

                സേനയാസുമഥനാശയാ ഹൃതഹരാശയാദമിതനാശയാ

                ഹേലയാദൃതസുകോശയാ ദിവിവിമോചയെ വിമതനാശയാ.

ഇതി ശ്രീനാരായണപരമഹംസവിരചിതം സമ്പൂര്‍ണ്ണം