ശ്രീവാസുദേവാഷ്ടകം
1 ശ്രീവാസുദേവ! സരസീരുഹപാഞ്ചജന്യ-
കൗമോദകീഭയനിവാരണചക്രപാണേ!
ശ്രീവത്സവത്സ! സകലാമയമൂലനാശിന്‍!
ശ്രീഭൂപതേ! ഹര ഹരേ! സകലാമയം മേ.
2 ഗോവിന്ദ! ഗോപസുത! ഗോഗണപാലലോല!
ഗോപീജനാങ്ഗകമനീയനിജാങ്ഗസങ്ഗ!
ഗോദേവിവല്ലഭ! മഹേശ്വരമുഖ്യവന്ദ്യ!
ശ്രീഭൂപതേ! ഹര ഹരേ! സകലാമയം മേ.
3 നീലാളികേശ! പരിഭൂഷിതബര്‍ഹിബര്‍ഹ!
കാളാമ്ബുദദ്യുതികളായകളേബരാഭ!
വീര! സ്വഭക്തജനവത്സല! നീരജാക്ഷ!
ശ്രീഭൂപതേ! ഹര ഹരേ! സകലാമയം മേ.
4 ആനന്ദരൂപ! ജനകാനകപൂര്‍വദുന്ദു-
ഭ്യാനന്ദസാഗരസുധാകരസൗകുമാര്യ!
മാനാപമാനസമമാനസരാജഹംസ!
ശ്രീഭൂപതേ! ഹര ഹരേ! സകലാമയം മേ.
5 മഞ്ജീരമഞ്ജുമണിശിഞ്ജിതപാദപദ്മ!
കഞ്ജായതാക്ഷ! കരുണാകര! കഞ്ജനാഭ!
സഞ്ജീവനൗഷധസുധാമയ! സാധുരമ്യ!
ശ്രീഭൂപതേ! ഹര ഹരേ! സകലാമയം മേ.
6 കംസാസുരദ്വിരദകേസരി! വീര! ഘോര-
വൈരാകരാമയവിരോധകരാജ! ശൗരേ!
ഹംസാദിരമ്യസരസീരുഹപാദമൂല
ശ്രീഭൂപതേ! ഹര ഹരേ! സകലാമയം മേ.
7 സംസാരസങ്കടവിശങ്കടകങ്കടായ
സര്‍വാര്‍ത്ഥദായ സദയായ സനാതനായ
സച്ചിന്മയായ ഭവതേ സതതം നമോളസ്തു
ശ്രീഭൂപതേ! ഹര ഹരേ! സകലാമയം മേ.
8 ഭക്തപ്രിയായ ഭവശോകവിനാശനായ
മുക്തിപ്രദായ മുനിവൃന്ദനിഷേവിതായ
നക്തന്ദിവം ഭഗവതേ നതിരസ്മദീയാ
ശ്രീഭൂപതേ! ഹര ഹരേ! സകലാമയം മേ.